मोरङ । आगामी फागुन २१ गते हुने प्रतिनिधि सभा सदस्यको उप-निर्वाचनका लागि मोरङ क्षेत्र नम्बर १ मा चुनावी सरगर्मी उत्कर्षमा पुगेको छ। यसै क्रममा नेपाल कम्युनिस्ट पार्टीका तर्फबाट उम्मेदवार बनेका कुल बहादुर (कुशल) को चर्चा यतिबेला सडकदेखि सदनसम्म चुलिएको छ। जनयुद्ध कालका एक साहसी छापामारदेखि २०७४ को निर्वाचनमा प्रदेश सांसद हुँदै जनताको सेवामा समर्पित ‘कुशल’ लाई यस क्षेत्रका बासिन्दाले एक ‘बिकाशप्रेमी’ नेताका रूपमा लिएका छन्।

२०७४ को सफल कार्यकाल: एउटा सुनौलो अध्याय-
२०७४ को निर्वाचनमा मोरङ-१ “क” बाट निर्वाचित भएपछि कुल बहादुरले आफ्नो निर्वाचन क्षेत्रमा विकासको लहर ल्याएका थिए। उनको कार्यकाल केवल नीति निर्माणमा मात्र सीमित रहेन, बरु जनताको घरदैलोसम्म विकास पुर्‍याउने अभियानमा केन्द्रित भयो। विशेषगरी मिक्लाजुङ र उर्लाबारी क्षेत्रका बासिन्दाका लागि उनी एक भरोसायोग्य नाम बनेका छन्।

उनको कार्यकालका मुख्य उपलब्धिहरू:-
पूर्वाधारमा क्रान्ति: मिक्लाजुङ र उर्लाबारीका दुर्गम बस्तीहरूलाई जोड्ने गरी दर्जनौं सडकहरूको कालोपत्रे र पक्की पुल निर्माणमा उनले नेतृत्वदायी भूमिका खेले।
आधारभूत सेवा: ‘एक घर, एक धारा’ को अवधारणा अनुरूप खानेपानी आयोजनाहरू र गाउँ-गाउँमा बिजुली विस्तारलाई उनले प्राथमिकतामा राखे।
स्वास्थ्य र शिक्षा: स्थानीय तहमा स्वास्थ्य चौकीहरूको सुदृढीकरण र जनताको स्वास्थ्य पहुँच पुर्‍याउन उनले गरेका पहलहरू अहिले पनि प्रशंसाको विषय बनेका छन्।

‘अनकन्टार रमितेलाई दोस्रो भेडेटार बनाउने’ सपना-
कुल बहादुरको एउटा ड्रिम प्रोजेक्ट हो— रमितेलाई पर्यटकीय गन्तव्य बनाउनु। ओझेलमा परेको रमिते क्षेत्रको प्राकृतिक सौन्दर्यलाई पहिचान गर्दै त्यसलाई “दोस्रो भेडेटार” को रूपमा विकसित गर्ने र स्थानीयलाई रोजगारीसँग जोड्ने उनको निडर योजनाले युवा पुस्तामा ठूलो उत्साह जगाएको छ।
साझा र जनमुखी नेतृत्व जनयुद्धको रापतापबाट खारिएर आएका कुल बहादुर आज पनि उत्तिकै सादा जीवन बिताउँछन्।

उनी केवल राजनीतिक कार्यक्रममा मात्र होइन, “जनताको जन्मदेखि मलामीसम्म” सँगै रहने नेताका रूपमा चिनिन्छन्। लिम्बु समुदाय र आम सर्वसाधारणमाझ अत्यन्तै लोकप्रिय रहेका उनले यस पटकको उम्मेदवारीलाई समृद्ध मोरङ-१ र पहिचानको मुद्दा सँग जोडेका छन्। “मैले हिजो प्रदेश सांसद हुँदा विकासको जग बसालेको छु। अब मोरङ-१ लाई देशकै नमुना र समृद्ध क्षेत्र बनाउन र प्रदेशको नाम पहिचान अनुसार लेखाउनका लागि मेरो उम्मेदवारी हो,” उनले भने।

निर्वाचनको भावी परिदृश्य-
विगतको सफल कार्यकाल, विकासप्रेमी छवि र जनतासँगको निकट सम्बन्धका कारण कुल बहादुर यस पटकको प्रतिनिधि सभा उप-निर्वाचनमा निकै बलियो उम्मेदवारका रूपमा उभिएका छन्। आगामी फागुन २१ गते हुने मतदानले उनको यो विकास यात्रालाई कुन उचाइमा पुर्‍याउने हो, त्यो भने प्रतीक्षाको विषय बनेको छ।